Datorren larunbatean, irailaren 19an, Araizko Kablearen Egunaren bederatzigarren edizioa ospatuko da Gaintzan. Jardunaldiaren bidez, XX. mendearen erdialdera arte Araizko Malloan erabiltzen zen belarra moztu, prestatu eta kable bidez bailarara garraiatzeko sistema ezagutarazi eta garai hartan lan horretan aritu ziren pertsonak omenduko dira.

Eguna Gaintza herrian hasiko da. Parte-hartzaileak herriko plazatik abiatuko dira oinez, 11:00etan, eta 1,5 kilometro inguruko ibilbidea egingo dute, 150 metroko desnibelarekin, Zezelainera iritsi arte. Ibilbidea porlanezko pista batetik egiten da.

Informazio gehiago: Prentsa-oharra – Kablearen Eguna, Kablearen Behatokia