DIRULAGUNTZAK

Nafarroako Gobernuko Proiektu Estrategikoen Zuzendaritza Nagusiak 2020tik deitzen ditu laguntzak, Nafarroa Ezagutu Sareari lotutako espazio eta ibilbideetan egin beharreko obretan inbertitzeko.

Deialdi honen xedea da lurraldearen GARAPEN JASANGARRIARI LAGUNTZEA, helburu hauek oinarri harturik:

  • Nafarroako lurralde oreka eta jasangarritasunaren printzipioak sustatzea (jasangarritasun ekonomikoa, soziala, ingurumenekoa, demografikoa) Sareko espazio eta ibilbideetan.
  • Ekintzailetza, enplegu berdea eta ekonomia soziala sustatzea Sareko gune eta ibilbideen gainean.
  • Balioa ematea ondare zientifikoari, ekonomikoari, sozialari, kulturalari, turistikoari, osasun arlokoari eta sustatu beharrekotzat jotzen den beste edozeini.
  • Laguntzea Sareko espazioak eta ibilbideak berraktibatzen eta egokitzen, Covid-19ak eragindako osasun- eta ekonomia-krisia gainditu ondoren.

Laguntza hauek Nafarroa Ezagutu Sarearen esparruan egiten den lana osatzeko dira, landa-inguruneko jarduera suspertzeko eta Nafarroako naturaguneak eta horiek kudeatzen dituzten pertsonak landa-giro bizi, aktibo eta etorkizuneko baten protagonista bihurtzeko.

2022EKO INBERTSIOAK

2022tik aurrera, beste laguntza-deialdi bat eginen da, 2030 Agendak ezartzen dituen JASANGARRITASUNAREN hiru ardatzei lotutako ekintzak jasotzen dituen proiektuak edo programak garatzeko. Aurreko helburuekin bat etortzeaz gainera, deialdi honen xedea da inguru horietan bizi diren pertsonek espazio eta ibilbide horiei balioa ematea eta, orobat, gozamenerako eta osasun fisikorako baliatzen dituzten pertsonek errespetuz kontserbatzea.

2021EKO INBERTSIOAK

Nafarroa Ezagutu Sareko espazio eta ibilbideetarako obretan inbertsioak egiteko deialdiak 135.000 €-ko aurrekontua izan zuen 2021ean (75.000 € toki-erakundeendako eta 65.000 € irabazi-asmorik gabeko elkarteendako).

Deialdi horretara 21 proiektu aurkeztu ziren orotara, eta haietatik puntuaziorik handiena lortu zuten 13 proiektuak aukeratu ziren (9 toki-erakundeek sustatuak, eta 4 irabazi-asmorik gabeko elkarteek aurkeztuak):

2020KO INBERTSIOAK

Urte horretan, Nafarroa Ezagutu Sareko espazio eta ibilbideetarako obretan inbertsioak egiteko deialdiak 200.000 euroko aurrekontua izan zuen (135.000 € toki-erakundeendako, eta 65.000 € irabazi-asmorik gabeko elkarteendako).

Deialdi horretara 18 proiektu aurkeztu ziren orotara, eta haietatik puntuaziorik handiena lortu zuten 7 proiektuak aukeratu ziren (3 toki-erakundeek sustatuak, eta 4 irabazi-asmorik gabeko elkarteek aurkeztuak):