Artamendia parkera txangoa egitea plan ezin hobea da aire zabalean eta ingurumen kontzientziarekin jarduera bat egiteko. Halaber, txikienei naturaz goza daitekeela irakasteko ere balio du,ingurumena zaintzen den bitartean.

Egun bat Artamendian talde-lana sustatzeko eta naturarekiko maitasunaz gozatzeko jarduera bihur daiteke.

Gune honek lanpostu zuzen bat sortzen du, kasu honetan Ugaitz Martinezena, kirol ikasketak dituen herriko gazte bat, Oibarren bizitzen geratzea erabaki duena. Horrez gain, herriko beste hainbat enplegurekin bat egiteko ere balio du, hala nola, igerilekuak, zeinekin udan baterako bonoa egiten den; Fronton taberna, non hamaiketakoa hartu, bazkaldu eta/edo afaldu daitekeen; Oibarko aterpetxea eta herriko gainerako ostatuak, non lo egin daitekeen; eta, noski, herriko denda ezberdinekin.