Fitero Zistertarretik Fiteroko talaia musulmanaren hondar historikoetarainoko ibilbide naturala, 360 graduko ikuspegia beste garai bateko puntu estrategiko batetik. IBILBIDEAREN DESKRIBAPENA. Fiteron dago Nafarroan ikusgarritasun handienentakoa duen tokietako bat, Olmigeteko Talaia. Olmigeteko Talaiak izena ematen dio Talaia mendiari, Fiteroko udalerriko mendirik garaienari. Gaur egun, basozainen instalazio bat dago bertan. Talaia horrek izan zuen oinplano zirkularraren aztarnak daude Olmigeteko Talaian, eta, beraz, balio arkeologiko handia du. Fiteroko hirigunea eta Olmigeteko Talaia lotzen dituen ibilbide zirkular hau oinez edo bizikletaz egin ahal izateak aukera ematen du Mediterraneoko pinudi-mazelak eta sastrakak lagun dituen paseoaz gozatzeko, interes turistiko handiko txoko bateraino, duen balio kulturalagatik eta bertatik goza daitezkeen ikuspegiengatik. PR-NA 208 ibilbide zirkularra Fitero pasealeku zaharrean hasten da, Fitero eta Valverde arteko errepidean (NA-6991), Maculet haitzuloaren ondotik pasatuz. Majarrasas ingurutik Pelón gainera doan bidea jarraitzen du. Pelón gainetik, ezkerrera biratuz, Kostera Zurira doa, goi-tentsioko lerroari jarraituz, Olmigeteko Talaiarako azken igoera hartzeko. Hortik pinuen arteko pista batetik jaisten da, N-113 errepidearekiko paraleloa den bide bateraino. Tripaligerako ukuilutik igoera txiki bat eginda, Valhondillo ukuilura iristeko aukera ematen duen pista batera iristen da. Handik, Fustal trokartea zeharkatuz, Dehesa de la Villarantz jaisten da, eta, Majarrasas zeharkatuz, hasierako puntura itzultzen da. Han, Fitero pasealeku zaharraz gozatzeko aukera dago, aisialdirako gunea eta paisaia-balio handiko zenbait bideren lotunea.