Zubietako Errota Ekomuseoak ordubete inguruko bisitaldi gidatua eskaintzen du. Besteak beste, honako hauek hartzen ditu barnean: harrera; errotaren funtzionamendua eta makineria kanpotik aurkeztea; eho tokira igarotzea eta errota martxan jartzea; errotaren ganbaran dagoen museo etnografikoa bisitatzea; Zubietari eta haren tradizioei buruzko bideo bat ikustea; eta artisautza denda bisitatzea, hainbat produktu (nekazaritzako elikagaiak zein artisau lanak) eta askotariko liburuak salgai dituena.