Azaroaren 23an eta 24an, ingurumenaren inguruko hainbat jarduera egingo dira Corellan, Hondakinak Prebenitzeko Europako Astearekin batera. Corellako Biziklistek eta San Migel Gazte Elkarteak antolatuta, jardunaldia larunbatean, hilak 23, goizeko 10:00etan hasiko da, Alhamako Ibilbide osasungarri eta kulturaletik oinez edota bizikletaz egiten, zuhaitzak landatzeko. Igandean, baita goizean ere, IV. Ibilaldi Osasungarria eta Iraunkorra egingo da, La Estanca eremuan garbiketa-ibilaldia egiteko.

Antolakuntzatik, zuhaitzak landatzeko lanerako eskularruak eramatea gomendatzen dute, eta ibilaldirako botak eta eskularruak. Gainera, mendi-ibilaldirako izen-ematea beharrezkoa da 012 telefonora deituta. Helburua, Corella berdeagoa eta garbiagoa lortzea, herri osoaren parte-hartzearekin. Hurbil zaitez asteburu honetan eta ezagutu paisaiaren aberastasuna eta biodibertsitatea, eta, lagundu garbi mantentzen.

Gainera, Corella, Cintruenigo eta Fitero lotzen dituen Agroalhama ibilbidean landatuko dituzte zuhaitzak, buelta zirkular batean, Erribera barneratu eta esploratzeko aukera ona. Ibilbideak 25 kilometro inguruko luzera du, eta Alhama ibaitik igarotzen da, Corellako Estankatik abiatuta, eta Fiteroko Mañuetaraino iristen da. Zonaldearen tokiko garapena, ohitura osasungarrien sustapena eta ingurumenaren kontserbazioan sentsibilizazioa dira herri horietako gazte eta helduek bultzatutako ibilbide honen helburuetako batzuk. Baliabide, espazio natural, berezi eta ibilbide horiek guztiek bat egiten dute Nafarroa Ezagutu Sarean. Sare horrek lurralde-garapen iraunkorraren alde lan egiten du, eta espazio horiek eta haien kontserbazioa sustatzeaz gain, landa-ingurunea garatzeko eta biziberritzeko aktibo bihurtzeko bokaziotik egiten du lan.

 

Mugikortasun iraunkorra, komunitate iraunkorra

Corellako Alhama BHIk Erasmus “mugikortasun iraunkorra, komunitate iraunkorra” proiektuaren inguruko jarduerak antolatzen jarraitzen du. Hain zuzen ere, Estanquillan egon da garbiketa ibilaldia egiten. Nazioarteko proiektuak landa-garapenerako eta belaunaldien arteko garapenerako kolektibo bat eta mugikortasun iraunkorra eta gizarteratzea sustatzen duten hiru elkarte ditu bazkide.

Esta web utiliza cookies. Puedes ver aquí la política de cookies    Ver
Privacidad