2022KO PRESTAKUNTZA

SAKANA-PLAZAOLA-ARALAR

ETA BIDASOA-LEURTZAN

Dagoeneko abian da jasangarritasun teknikarien prestakuntzaren bigarren edizioa. Prestakuntza hori Estellerrian hasi zen iaz, eta 2022an Sakana-Plazaola-Aralar eta Bidasoa-Leurtzan eginen du aurrera.

Prestakuntza apirilaren 20tik maiatzaren 31ra bitartean emanen da (ekaineko lehen astean bi itzulera- eta ebaluazio-saio eginen dira), eta Iruñeko Nekazaritza eta Basogintzako Ikastetxe Integratuan eta tokian bertan (Sakana, Plazaola, Aralar, Bidasoa eta Leurtza) emanen da. Saioak aurrez aurrekoak izanen dira, arratsaldez, 16:00etatik 19:30era, eta derrigorrezkoa izanen da parte-hartzailea saioen % 90era, gutxienez, bertaratzea. Eskabideak jasotzeko prozesua apirilaren 4an amaitu zen.

Naturclima programak, Nafarroa Ezagutu Sarearen eskutik prestakuntza sustatzen duenak, kudeaketa jasangarria eta klima-aldaketarako egokitzapena lantzen ditu Nafarroan, Urbasa-Andia eta Bertiz parke naturaletan. Prestakuntza honen helburua da jarduera zabaltzea naturaguneen eragin-eremuetara: Sakana, Aralar, Plazaola, Bidasoa eta Leurtza.

Prestakuntzaren oinarria dira herri horiek jasangarritasunari eta klima-aldaketarako egokitzapenari dagokienez dituzten beharrak eta benetako erronkak. Prestakuntzan, espazio horien kudeatzaileekin lankidetzan, identifikatutako behar horiei aurre egin eta konponbidea ematen dieten proiektuak garatuko dira; behar horiek klima-aldaketarekin, erabilera publikoarekin edo lurraldearen kudeaketa jasangarriarekin lotuta egonen dira. Osagai batzuek lagunduko dizute benetako erronkei erantzunen dieten proposamenak sortzen, adibidez, talde-lanak, proiektuen garapenak, tokiko zein kanpoko erabiltzailearengan zentratutako diseinuak eta erabileren aldiberekotasunak. Eginez ikasiko duzu, eta, gainera, harremanetan jarriko zara Nafarroako naturaguneekin zerikusia duten lehen mailako agenteekin.

Hona hemen bilatzen diren pertsonen profila: ahal dela gazteak, lurraldean errotuta daudenak, eta ingurumenean, landa-ingurunean, ingurune soziokulturalean edo enpresan esperientzia edo prestakuntza dutenak. Aktiboak eta dinamikoak izan behar dute, naturaguneen ikuspegia eta horiek ulertzeko modua aldatu nahi dutenak, lurraldeak jasangarritasunerako eta klima-aldaketarako prestatuko dituen paradigma berri bat ezarri ahal izateko.